ზუგდიდი ყოველთვის იყო ხიდი აფხაზეთთან. ზუგდიდი ყოველთვის იყო პირველი ქალაქი, რომელმაც ძნელბედობის ჟამს, საკუთარი სახლებიდან იძულებით გადმოხვეწილი აფხაზეთის ხალხი შეიკედლა და საკუთარ სახლებში შეუშვა, – ამის შესახებ ზუგდიდში წინასაარჩევნო შეხვედრაზე „ერთიანი საქართველოს“ წევრმა დავით ეხვაიამ განაცხადა.
შეხვედრას ესწრებოდა აფხაზეთის დევნილი საზოგადოების ნაწილი, ყურადღება გამახვილდა ტერიტორიული მთლიანობის აღდგენის გზებზე, ქართულ-აფხაზური დიალოგის დაწყებაზე და კონფლიქტის მოგვარებზე.
„ძალიან მნიშვნელოვანია, რომ ნინო ბურჯანაძე ზუგდიდში შეხვდა აფხაზეთის დევნილ საზოგადოებას. მათ შორის საკმაოდ გურწრფელი და უშუალო საუბარი შედგა. ჩვენ დარწმუნებულები ვართ, რომ ნინო ბურჯანაძე შეძლებს ქართველ და აფხაზ ხალხებს შორის ჩატეხილი ხიდის აღდგენას!
მოგეხსენებათ, რომ ზუგდიდში ცხოვრობენ დიდი რაოდენობით დევნილები აფხაზეთიდან, რომელთა აბსოლუტური უმრავლესობა ენდობა ნინო ბურჯანაძეს და მის პოლიტიკურ გუნდს „ერთიან საქართველოს“, ისინი დარწმუნებულები არიან , რომ ნინო ბურჯანაძე არ დაიშურებს არც ძალას და არც გამოცდილებას იმისთვის, რომ ჩვენ, მშვიდობიანი გზით დავუბრუნდეთ საკუთარ სახლებს. ჩვენს აფხაზ ძმებთან კვლავინდებურად უნდა ვიყოთ ერთად ერთიანი ჭირშიც და ლხინშიც. ეს არის დღეს ჩვენი საზოგადოების შეკვეთა და ამას წინ ვერაფერი აღუდგება, - აცხადებს დავით ეხვაია.