"ევროპული საქართველოს" ერთ-ერთი ლიდერის, ზურაბ ჭიაბერაშვილის განცხადებით, ქვეყნის სოციალურ-ეკონომიკური მდგომარეობის გასაუმჯობესებლად ძირეული ცვლილებებია საჭირო, რომელიც არჩევნებზე განხორციელდება. მან ხელისუფლების პოლიტიკა გააკრიტიკა და აღნიშნა, რომ "ქართული ოცნების" ხელისუფლების პირობებში ეკონომიკური მდგომარეობა გაუარესდა.

"ჩვენ 8 წლის განმავლობაში ვხედავთ ეკონომიკის და შესაბამისად, ლარის დასუსტებას მაღალი გადასახადებით, ზედმეტი ბიუროკრატიითა და რეგულაციებით. შესაბამისად, აქედან გამოსავალი არის 3: ეს არის დაბალი გადასახადები, ნაკლები ბიუროკრატია და რეგულაციები, ასევე მიუკერძოებელი სასამართლო, ოღონდ ეს ყველაფერი რომ განხორციელდეს და ამან გარდამტეხი ეკონომიკური და სოციალური ცვლილებები მოიტანოს ჩვენს ქვეყანაში, სჭირდება გარდამტეხი პოლიტიკური ცვლილება 31 ოქტომბერს, რომელიც აუცილებლად მოხდება",-განაცხადა ჭიაბერაშვილმა.