აზერბაიჯანში, ბოლო 24 საათში, კორონავირუსის 162 ახალი შემთხვევა დადასტურდა და ინფიცირებულთა რაოდენობა 39 686-მდე გაიზარდა, - შესაბამის მონაცემებს აზერბაიჯანული მედია ავრცელებს.

ამავე მონაცემების თანახმად, გასული დღე-ღამის განმავლობაში დაინფიცირებულებს შორის 19 სტუდენტია.

ქვეყანაში კოვიდ 19-ს კიდევ 1 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 581-ს მიაღწია.