გიგი წერეთელი - კმაყოფილი მთავრობა ქვეყანას არ სჭირდება, ქვეყანას სჭირდება კმაყოფილი ხალხი

„ევროპული საქართველოს“ ლიდერმა, დავით ბაქრაძემ, ზესტაფონის მოსახლეობას პარტიის მაჟორიტარობის კანდიდატიტყიბულის, თერჯოლის, ზესტაფონისა და ბაღდათის ოლქში, გიგი წერეთელი წარუდგინა.

გიგი წერეთლის განცხადებით, დღეს ადამიანებს აქვთ მძიმე სოციალური და ეკონომიკური პრობლემები, გაჭირვება და უიმედობა. მისივე თქმით, ამ პრობლემების შეცვლას გარდამტეხი ცვლილებები და სწორი მიმართულების კომპასი სჭირდება, რათა 4 წლის შემდეგაც, ადამიანებს აღარ მოუწიოთ ამ პრობლემებზე საუბარი.

როგორც წერეთელმა აღნიშნა, გამოიყენებს საკუთარ ცოდნას, ენერგიასა და კომპეტენციას, რათა , როგორც ამ რეგიონში, ისე მთლიან საქართველოში, თითოეული ადამიანის ცხოვრება გაუმჯობესდეს.

„დღეს მე ვხედავ პრობლემებით გატანჯულ ადამიანებს, რომელთაც აქვთ ყოველდღიური საზრუნავი, როგორ გამოკვებონ საკუთარი შვილები და როგორ აღზარდონ ისინი. დღეს არის მძიმე ინფრასტრუქტურული პრობლემები, ამას კი სჭირდება სწორი მიმართულება და გარდამტეხი ცვლილებები, რათა 4 წლის შემდეგ, აღარ მოგვიწიოს ამ პრობლემებზე საუბარი.

ეს გაჭირვება ჩვენ გვამძიმებს, თუმცა გვაძლევს მეტ მოტივაციას, რომ შევცვალოთ ეს მძიმე ვითარება. აღარ იყოს სიღარიბე, კორუფცია, კრიმინალი. ქვეყანას კმაყოფილი მთავრობა კი არა, კმაყოფილი ხალხი სჭირდება.

სასამართლო რეფორმით, გადასახადების დაწევით, ბიუროკრარტიული ხარჯის შემცირებით, სახელმწიფო ქონებაში არსებული მიწის ხალხისთვის გადაცემით შეიქმნება ახალი სამუშაო ადგილები, შემოვა ინვესტიციები, და ყოველ ადამიანს ექნება მეტი კეთილდღეობა. მე მთელ ჩემს ენერგიას, გამოცდილებას, კომპეტენციას, თქვენი დახმარებით, გამოვიყენებ იმისათვის, რომ თითოეული ადამიანის ცხოვრება გაუმჯობესდეს ამ რეგიონში.“ - განაცხადა გიგი წერეთელმა.

ინფორმაციას „ევროპული საქართველოს“ პრესსამსახური ავრცელებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით