აკვაკულტურის შესახებ კანონქვემდებარე აქტების შემუშავებასთან დაკავშირებით შეხვედრა გაიმართა

გარემოს ეროვნული სააგენტოს ორგანიზებით, აკვაკულტურის შესახებ კანონქვემდებარე აქტების შემუშავებასთან დაკავშირებით სამუშაო შეხვედრა გაიმართა. ამის შესახებ „ინტერპრესნიუსს“ გარემოს ეროვნული სააგენტოდან აცნობეს.

გარემოს ეროვნული სააგენტოს ხელმძღვანელის, ანდრო ასლანიშვილის განცხადებით, ახალი კანონმდებლობა, პრაქტიკული საქმიანობის საერთაშორისო სტანდარტების დაცვით განხორციელების აუცილებელი წინაპირობა იქნება.

„აკვაკულტურის კანონის მიღების შემდეგ, დაწყებულია კანონქვემდებარე აქტებზე მუშაობა. მუშაობის პროცესში ჩართულია გარემოს ეროვნული სააგენტო და გარემოს დაცვის და სოფლის მეურნეობის სამინისტროს ყველა ის უწყება, რომელთა კომპეტენციას განეკუთვნება სფეროს რეგულაცია. აკვაკულტურის მიმართულება მნიშვნელოვანი და პრიორიტეტულია. ახალი კანონდებლობა კი, საერთაშორისო სტანდარტების დაცვით პრაქტიკული საქმიანობის განხორციელების აუცილებელ წინაპირობას წარმოადგენს”, - განაცხადა გარემოს ეროვნული სააგენტოს უფროსმა, ანდრო ასლანიშვილმა.

უწყების ინფორმაციით, სამუშაო შეხვედრაზე აკვაკულტურის სფეროში კანონქვემდებარე აქტების შემუშავების გეგმა განიხილეს.

„შეხვედრის მონაწილეებმა წარმოადგინეს პრეზენტაციები დარგში არსებულ გამოწვევებთან დაკავშირებით, იმსჯელეს აკვაკულტურისთვის გამოყოფილი ზონების დადგენის საერთაშორისო სტანდარტებზე, მის მართვასა და მოსალოდნელ შედეგებზე. ასევე, შიდაწყალსატევებში და სახმელეთო ტერიტორიაზე განთავსებულ აკვაკულტურის ობიექტებში საქმიანობის საერთაშორისო ნორმებისა და სტანდარტების შესაბამისად წარმართვის რეგულაციების შემუშავებაზე. შეხვედრაზე შემუშავდა რეკომენდაციები და მათი შესრულების ვადები. სამუშაო შეხვედრა ევროკავშირისა და გაეროს განვითარების პროგრამის (UNDP) მიერ დაფინანსებული პროექტის „EMBLAS-Plus“ (შავი ზღვის გარემოს მონიტორინგის გაუმჯობესება - შერჩეული ღონისძიებები“ ) მხარდაჭერით განხორციელდა“, - ნათქვამია ინფორმაციაში.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება