კელი დეგნანი ხვიჩა მღებრიშვილის ცხინვალის ციხიდან გათავისუფლებას მიესალმება და იმედოვნებს, რომ სხვა დაკავებულებსაც გაათავისუფლებენ

საქართველოში აშშ-ის ელჩი კელი დეგნანი საოკუპაციო რეჟიმის მიერ ე.წ. საზღვრის დარღვევის ბრალდებით დაკავებული ხვიჩა მღებრიშვილის ცხინვალის ციხიდან გათავისუფლებას მიესალმება და იმედოვნებს, რომ სხვა დაკავებულებსაც გაათავისუფლებენ.

როგორც მან ჟურნალისტებს განუცხადა, ინციდენტების პრევენციისა და მათზე რეაგირების ჯგუფის ფარგლებში გამართული შეხვედრები ამ თვალსაზრისით უმნიშვნელოვანესია.

„ძალიან კარგია, რომ უკანონოდ დაკავებულ ადამიანს გაათავისუფლებენ. ვიმედოვნებ, რომ ის თავს კარგად გრძნობს. რა თქმა უნდა, მნიშვნელოვანია, რომ ყველა დაკავებული გათავისუფლდეს. ინციდენტების პრევენციისა და მათზე რეაგირების ჯგუფის ფარგლებში გამართული შეხვედრები საკმაოდ ეფექტური მექანიზმია, რომლის შედეგადაც ამ ადამიანს გამოუშვებენ. მნიშვნელოვანია, რომ ყველა დაკავებული გათავისუფლდეს და ასეთი საკითხები გააქტიურდეს", - განაცხადა დეგნანმა.

შეგახსენებთ, რომ საოკუპაციო ძალების წარმომადგენლებმა მეჯვრისხეველი ხვიჩა მღებრიშვილი ე.წ. საზღვრის უკანონო გადაკვეთის ბრალდებით, მიმდინარე წლის 3 ივლისს დააკავეს. მას პატიმრობიდან დღეს გაათავისუფლებენ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს