დაკავებული დავით ფურცხვანიძის ადვოკატის, გიგა სვანიძის განცხადებით, დავით ფურცხვანიძის საქმე ცალკე წარმოებად არის გამოყოფილი და არ არის ბმაში თამარ ბაჩალიაშვილის საქმესთან.
როგორც ადოვოკატი ჟურნალისტებთან აცხადებს, დაკავებულ დავით ფურცხვანიძეს დღეს შეხვდება.
"დავით ფურცხვანიძე დაკავებულია მოსამართლის განჩინების საფუძველზე, ნაკლებად მძიმე კატეგორიის მუხლებით არის ამ ეტაპზე დაკავებული. დაკავებულს ჯერჯერობით არ შევხვედრივარ, ბრალი არ წაუყენებიათ, საქმის მასალებსაც არ გავცნობილვარ. როდესაც წაუყენებენ ბრალს, შემდეგ მოხდება საქმის მასალების გაცნობა და მეტი დეტალი მეცოდინება.
დავით ფურხცხვანიძეს დღეს შევხვდები. ამ ეტაპზე საქმე ცალკე წარმოებად არის გამოყოფილი, არ არის ბმაში თამარ ბაჩალიაშვილის საქმესთან", -განაცხადა გიგა სვანაძემ.
დავით ფურცხვანიძე, რომელმაც გარდაცვლილი თამარ ბაჩალიაშვილის ოჯახის უფლებადამცველს მიხეილ რამიშვილს სატელიტური ფოტოები მიაწოდა, დღეს დააკავეს.
ამასთან, პროკურატურის ინფორმაციით, თამარ ბაჩალიაშვილის ოჯახის ადვოკატების მიერ გასაჯაროებულ ე.წ. სატელიტის ფოტოებზე დანიშნული ექსპერტიზის დასკვნის შედეგებით გაირკვა, რომ ისინი დამონტაჟებული და ყალბია.