„სტრატეგია აღმაშენებელი“ „საზოგადოებრივი მაუწყებლის“ დირექტორის პოსტზე მხარს ხათუნა ლაგაზიძის კანდიდატურას უჭერს,- ამის შესახებ პარტიის სპიკერმა, თეონა აქუბარდიამ განაცხადა.
„მიგვაჩნია, რომ „საზოგადოებრივი მაუწყებელი“, რომელიც ფინანსდება ხალხისგან უნდა იყოს დამოუკიდებელი და საზოგადოების ინტერესებზე ორიენტირებული ტელევიზია, რომელსაც ექნება მაღალი სანდოობა ხალხში.
„სტრატეგია აღმაშენებლის“ გუნდი მხარს ვუჭერთ ხათუნა ლაგაზიძის კანდიდატურას, რადგან მისი ხედვა გამომდინარეობს თანამედროვე უსაფრთხოების, განსაკუთრებით კი საინფორმაციო უსაფრთხოების გამოწვევებიდან და მისი დაცვა სასიცოცხლოდ მნიშვნელოვანია ჩვენი ქვეყნის ინტერესების უზრუნველყოფისთვის. ამასთან, ჩვენ მას ვიცნობთ როგორც დამოუკიდებელ და კვალიფიციურ სპეციალისტს და მიგვაჩნია, რომ დღეს საზოგადოებრივ მაუწყებელს ესაჭიროება სწორედ ასეთი დამოუკიდებელი, კვალიფიციური და წარმატებული მენეჯერი“,- აცხადებს თეონა აქუბარდია.