პარიზში, სატირულ ჟურნალ „შარლი ებდოს“ ყოფილ ოფისთან მომხდარ დაჭრის ფაქტს ანტიტერორისტული პოლიცია იძიებს, - ამის შესახებ ინფორმაციას BBC-ი ავრცელებს.
გამოცემის ცნობით, პოლიციამ ორი ეჭვმიტანილი დააკავა.
თავდაპირველად ვრცელდებოდა ინფორმაცია ოთხი დაშავებულის შესახებ, თუმცა ცნობილი გახდა, რომ ინციდენტის შედეგად ორი პირია დაჭრილი.
აღსანიშნავია, რომ პარიზში 15 ადამიანის სასამართლო პროცესი მიმდინარეობს, რომლებიც 2015 წელს ჟურნალ „შარლი ებდოს“ ოფისზე თავდასხმაში მონაწილე ორი ჯიჰადისტისთვის დახმარების აღმოჩენაში არიან ეჭვმიტანილები.
შეგახსენებთ, „შარლი ებდოზე“ განხორციელებულ თავდასხმას 12 ადამიანის სიცოცხლე ემსხვერპლა.