პარიზში მომხდარ თავდასხმასთან დაკავშირებით 7 ადამიანი დააკავეს

პარიზში, ჟურნალ „შარლი ებდოს“ ყოფილ ოფისთან მომხდარ თავდასხმასთან დაკავშირებით სამართალდამცავებმა 7 ადამიანი დააკავეს, - ამის შესახებ ინფორმაციას BBC-ი ავრცელებს.

გამოცემის ცნობით, შემთხვევის ადგილთან 18 წლის პაკისტანელი მამაკაცი დააკავეს, გარდა ამისა, ამავე ინციდენტთან დაკავშირებით, წინასწარი დაკავების იზოლატორში კიდევ 6 პირია მოთავსებული.

საფრანგეთის შინაგან საქმეთა მინისტრმა ჟერალდ დარმანინმა განაცხადა, რომ თავდასხმა „აშკარა ისლამური ტერორიზმის აქტია.“ შემთხვევის ადგილზე ქვეყნის პრემიერ-მინისტრი ჟან კასტექსიც მივიდა.

შეგახსენებთ, გუშინ, ჟურნალ „შარლი ებდოს“ ყოფილ ოფისთან, დანით შეიარაღებულმა მამაკაცმა ორი ადამიანი მოკლა. აღსანიშნავია, რომ პარიზში 15 ადამიანის სასამართლო პროცესი მიმდინარეობს, რომლებიც 2015 წელს ჟურნალ „შარლი ებდოს“ ოფისზე თავდასხმაში მონაწილე ორი ჯიჰადისტისთვის დახმარების აღმოჩენაში არიან ეჭვმიტანილები. „შარლი ებდოზე“ განხორციელებულ თავდასხმას 12 ადამიანის სიცოცხლე ემსხვერპლა.

იხილეთ ვიდეო:პარიზში მომხდარ თავდასხმასთან დაკავშირებით 7 ადამიანი დააკავეს

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)