ფიქრია ჩიხრაძე - ხელისუფლებამ სოციალური საცხოვრისი, მისი ბინადრებისთვის, სოციალურ ჩიხად აქცია

"ლელო საქართველოსთვის" სამგორის მაჟორიტარობის კანდიდატი ფიქრია ჩიხრაძე სოციალური საცხოვრისის ბინადრებს შეხვდა და მათ პრობლემებს გაეცნო.

“ლელოს” პრესსამსახურის ცნობით, პროექტი "სოციალური საცხოვრისი კეთილგანწყობილ გარემოში" 2008-2012 წლებში შვეიცარიის განვითარების სააგენტოსა და მერიას შორის გაფორმებული ურთიერთგაგების მემორანდუმის ფარგლებში განხორციელდა.

როგორც “ლელოში” აცხადებენ, პროექტის მიზანი მუნიციპალიტეტში რეგისტრირებულ უსახლკაროთა, სოციალურად დაუცველ და დევნილი მოსახლეობის გრძელვადიანი თავშესაფრით უზრუნველყოფა იყო, თუმცა 2018 წლიდან ეს საცხოვრისი მართვაში გადაეცა ააიპ თბილისის მერიის მუნიციპალურ თავშესაფარს და მას შემდეგ მის ბინადართა უფლებრივი მდგომარეობა საგრძნობლად გაუარესდა.

"ეს ადამიანები იმყოფებიან მუდმივი სტრესისა და მორალური წნეხის ქვეშ. მათ ნაწილს შანტაჟითა და მოტყუებით შეუცვალეს ხელშეკრულებები და მოუსპეს სოციალური განვითარების ყველანაირი შესაძლებლობა. ეს საცხოვრისი მის ბინადართა ცხოვრებისეული პირობების გასაუმჯობესებლად, მათი რესოციალიზაციისთვის და გასაძლიერებლად შეიქმნა და ერთადერთი, რაც მათ გაუძლიერდათ, არის დაუცველობის განცდა და საცხოვრისის დაკარგვის ყოველდღიური შიში.

ამ მაგალითზე თავისუფლად შეიძლება ითქვას, რომ ქვეყანას არ აქვს სოციალური პოლიტიკა, საბინაო პოლიტიკა და რაც აქვს, ისიც გააუარესა და ჩიხად აქცია", - განაცხადა ფიქრია ჩიხრაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა