გიორგი ვაშაძე-მცხეთის მოსახლეობა უკიდურეს გაჭირვებაში ცხოვრობს, რაც "დამსხვრეული ოცნებების პარტიის" დამსახურებაა

„სტრატეგია აღმაშენებლის" ლიდერი გიორგი ვაშაძე მცხეთაში ადგილობრივ მოსახლეობას შეხვდა. ოპოზიციონერმა ლიდერმა ადგილობრივებს პარტიის სამომავლო გეგმები გააცნო.

გიორგი ვაშაძის თქმით, მცხეთის მოსახლეობა უკიდურეს გაჭირვებაში ცხოვრობს, რაც "დამსხვრეული ოცნებების პარტიის" დამსახურებაა.

„დღეს მცხეთის სხვადასხვა დასახლებაში შევხვდით მოსახლეობას, სადაც უმძიმესი ვითარებაა. ხალხი ვერ გრძნობს, რომ ქვეყანას ხელისუფლება ჰყავს და ვინმე ზრუნავს მათზე.

საერთოდ სხვაგან არის ხელისუფლება და სულ სხვაგან არის ხალხი. მაინტერესებს, სად წავიდა ის 5 მლრდ , რომელიც ჩვენმა ამერიკელმა მეგობრებმა კორონავირუსის დასახმარებლად გაიღეს? არც ერთი თეთრი გაჭირვებულ ოჯახებში არ მისულა, მილიონები წავიდა გახარიას, მისი მეგობრებისა და ივანიშვილთან დაკავშირებული ადამიანების ჯიბეში.

აი, ამ უსამართლობის წინააღმდეგ ვიბრძვით ჩვენ და აუცილებლად სესხის პროცენტი, რომელიც ნომერ პირველი საკითხია უნდა ჩამოიწეროს 6 თვის განმავლობაში. ამისთვის უნდა გამოვიყენოთ ის 5 მლრდ, რომელიც სტრატეგიული პარტნიორებისგან მივიღეთ.

ასევე აუცილებლად უნდა ჩამოეწეროს პენსიონერებს სესხის პროცენტი. ჩვენ დღეს მოვინახულეთ დევნილების დასახლება და როცა ჩვენ დევნილებს სათანადო ყურადღება არ ექცევა, როგორ შეიძლება საოკუპაციო ზოლს მიღმა მცხოვრებ ადამიანებს ვუთხრათ, რომ აი, ეს არის მაგარი საქართველო? პირველ რიგში, დევნილი უნდა იყოს დაფასებული და სწორედ, ეს არის გზა ტერიტორიული მთლიანობისკენ, რადგან მათ, ვინცსაოკუპაციო ზოლს მიღმა არიან იგრძნონ, რომ საქართველოს სახელმწიფო აფასებს საკუთარ მოქალაქეს და არ მიატოვებს მას გაჭირვებაში და სიღარიბეში," - განაცხადა გიორგი ვაშაძემ.

ინფორმაციას „სტრატეგია აღმაშენებლის“ პრესსამსახური ავრცელებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით