ანკარა მხარს უჭერს აზერბაიჯანს და გმობს სომხეთის ბოლო ქმედებებს აზერბაიჯანში. ამის შესახებ დღეს თურქეთის პრეზიდენტის ოფიციალურმა წარმომადგენელმა იბრაჰიმ კალინმა განაცხადა.
„ჩვენ სრულად ვგმობთ სომხეთის მერ აზერბაიჯანზე თავდასხმას. სომხეთმა დაარღვია ზავი, როდესაც თავს დაესხა სამოქალაქო მოსახლეობას და კიდევ ერთხელ აჩვენა, რომ მშვიდობისა და სტაბილურობის წინააღმდეგია. საერთაშორისო თანამეგობრობამ დაუყოვნებლივ უნდა შეწყვიტოს ეს საშიში პროვოკაციები“, - წერს თურქეთის პრეზიდენტის ოფიციალური წარმომადგენელი „ტვიტერის“ გვერდზე.
მისივე თქმით, შექმნილ ვითარებაში, ანკარა მხარს უჭერს ბაქოს.
ცნობისთვის, დღეს დილით სომხეთმა მთიანი ყარაბაღის არაღიარებულ რესპუბლიკაში აზერბაიჯანის მხრიდან განხორციელებული სამხედრო იერიშის შესახებ განაცხადა.
სამხედრო შეტევაში აზერბაიჯანმა სომხეთი დაადანაშაულა.
ვრცელდება ინფორმაცია დაჭრილებისა და გარდაცვლილების შესახებ.