POWERCHINA/Sinohydro ბათუმი-ახალციხის საავტომობილო გზის, ხულო-ზარზმის მონაკვეთის სარეკონსტრუქციო სამუშაოებს დაიწყებს

მალე კომპანია POWERCHINA/Sinohydro (ფაუერჩაინა/სინოჰიდრო) ბათუმი (ანგისა)-ახალციხის საავტომობილო გზის ხულო-ზარზმის 42 კმ-იანი მონაკვეთის სარეკონსტრუქციო სამუშაოებს დაიწყებს.

95 მილიონი ლარის ღირებულების პროექტი, რომელსაც არაბთა ეკონომიკური განვითარების ქუვეითის ფონდი (KFAED) აფინანსებს, ქვეყნისთვის სტრატეგიული მნიშვნელობისაა.

მათი ინფორმაციით, ხულო-ზარზმის მონაკვეთი უმოკლესი გზით დააკავშირებს ერთმანეთთან აჭარის ავტონომიურ რესპუბლიკას და სამცხე-ჯავახეთის რეგიონს. ასეე, განახლებული გზით, ბათუმიდან ახალციხემდე მგზავრობის დრო 1.5 სთ-ით შემცირდება.

„გარდა ამისა, გზის განახლება დამატებითი სტიმული იქნება მთიანი აჭარის ტურისტული პოტენციალის განვითარებისთვის, რადგან გაიოლდება აღმოსავლეთის მხრიდან მთიანი აჭარის უდიდესი პოტენციალის მქონე კურორტ გოდერძისთან მისვლა. უხარისხო გზის პირობებში, ამ ტერიტორიაზე გადაადგილება განსაკუთრებით გართულებული იყო ზამთრის განმავლობაში. ეს ფაქტი, თავისთავად აფერხებდა როგორც ტურისტული ნაკადის მოზიდვას თბილისიდან და საქართველოს სხვა რეგიონებიდან, ასევე - უცხოელი ვიზიტორების დაინტერესებასაც. გარდა მსხვილი ტურისტული ინფრასტუქტურისა, გზის მიმდებარედ გაჩნდება მცირე ბიზნესის განვითარების საშუალებაც, რაც დამატებითი შემოსავლის წყარო იქნება ადგილობრივი მცხოვრებლებისთვის. განახლებული გზა გაზრდის რეგინის სატრანზიტო პოტენციალსაც და მეზობელ სახელმწიფოებს ბათუმის პორტთან დაკავშირება უმოკლეს დროში შეეძლებათ. როგორც კომპანიაში POWERCHINA/Sinohydro (ფაუერჩაინა/სინოჰიდრო) აცხადებენ, სამშენებლო სამუშაოებზე, უცხოელ სპეციალისტებთან ერთად დასაქმდებიან ადგილობრივი მცხოვრებლებიც. შემოსავალთან ერთად, მშენებლობის პროცესში ისინი მიიღებენ რთულ ლანდშაფტურ პირობებში ინფრასტრუქტურული სამუშაოების განხორციელების გამოცილებას. ეს კი, გაზრდის მათ კონკურენტუნარიანობას სამომავლოდ რეგიონში დაგეგმილ პროექტებში დასაქმების პერსპექტივის მხრივ“,-აღნიშნულია ინფორმაციაში.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა