გიგი უგულავა - 2 მთავარი გამოწვევა გვაქვს, როგორ დავიცვათ თავი მტრისგან, ოკუპაციისგან და როგორ განვავითაროთ ეკონომიკა
დღესაც 2 მთავარი გამოწვევა გვაქვს, როგორ დავიცვათ თავი მტრისგან, ოკუპაციისგან და როგორ განვავითაროთ ვაჭრობა, ანუ ეკონომიკა, - ამის შესახებ ზუგდიდის ოლქში „ევროპული საქართველოს“ მაჟორიტარობის კანდიდატმა გიგი უგულავამ, სოფელ რუხში გამართულ შეხვედრაზე სიტყვით გამოსვლისას განაცხადა.
უგულავას თქმით, წლები გადის, ქართველი ხალხის წინაშე მდგარი პრობლემები კი ისევ უცვლელი რჩება, რაც აუცილებლად უნდა გამოსწორდეს.
„უმუშევრობა, სიღარიბე, დარღვეული ტერიტორიული მთლიანობა, უკვე ათწლეულებია ჩვენი ხალხი გვისაზღვრავს ამ პრობლემათა სამეულს და ჯერჯერობით ძვრა არ არის. წლები მიდიან, თაობები იცვლებიან და მხოლოდ პრობლემები რჩება უცვლელი. სწორედ ამიტომ, აქ და ახლა ამ გარდამტეხი ცვლილებების ეპოქაში ჩვენ უნდა შევთავაზოთ საზოგადოებას ფუნდამენტური ცვლილებების გეგმა თუ როგორ დავიცავთ ჩვენს ქვეყანას, ხალხს და როგორ ავამუშავებთ ეკონომიკას, შევქმნით სამუშაო ადგილებს და დავძლევთ სიღარიბეს“, - განაცხადა გიგი უგულავამ.
v-if="article.gallery" v-html="article.gallery"
