უნდა ვეძებოთ გზები, რომ შერიგების პროცესი აფხაზებსა და ჩვენს შორის, დაჩქარდეს, - ამის შესახებ ,,ლელოს" გენერალურმა მდივანმა ბადრი ჯაფარიძემ დაღუპული გმირების მემორიალთან განაცხადა.

როგორც „ინტერპრესნიუსსს“ „ლელოს“ პრესსამსახურიდან აცნობეს, „ლელოს“ თბილისის მაჟორიტარი დეპუტატობის კანდიდატებმა საქართველოს ერთიანობისა და დამოუკიდებლობისათვის დაღუპულ მებრძოლთა მემორიალი გვირგვინით შეამკეს.

“უნდა ვეძებოთ გზები, რომ შერიგების პროცესი აფხაზებსა და ჩვენს შორის, დაჩქარდეს. ეს დღე თითოეული ქართველისთვის ტრაგიკულია და ამავდროულად ქვეყანამ ამ დღეს შეიძინა გმირები. ნებისმიერი ადამიანისთვის საკუთარი სამშობლოსთვის თავგანწირვა არის ბედნიერება. ამავდროულად, ჩვენ დღეს უნდა ვიფიქროთ, როგორ დავძრათ პროცესი, ვგულისხმობ, შერიგების პროცესის დაძვრას, აფხაზ ძმებსა და ჩვენს შორის. შემდგომ კი უნდა ვიფიქროთ იმაზე თუ, როგორ მოვიშუშოთ ეს ტკივილი”, - აცხადებს ბადრი ჯაფარიძე.