გიგი უგულავა - ვისაც ივანიშვილის ჭაობის შენარჩუნება სურს,  41-ს შემოხაზავს, ვინც თეთრ ცხენზე ამხედრებულ წარსულს მისტირის - 5-ს,  ვისაც გარდამტეხი ცვლილებები სურს, შემოხაზავს 2-ს

„ევროპული საქართველოს“ მაჟორიტარობის კანდიდატი ზუგდიდში, გიგი უგულავა, ზუგდიდის რაიონში, სოფელი რუხის ციხეში მხარდამჭერებს შეხვდა.

გიგი უგულავას თქმით, დღეს არის გარდამტეხი ცვლილებების ეპოქა და ამ დროს საჭიროა მკვეთრი, კონკრეტული ხედვა, თუ როგორ ამოვიდეს ქვეყანა ამ მძიმე კრიზისდან და წავიდეს განვითარების გზით.

უგულავამ აღნიშნა, რომ ამ მძიმე ჭაობში ის, „ევროპული საქართველოს“ გუნდთან ერთად იქნება კომპასი, რომელიც ქვეყანას მოუტანს რადიკალურ, გარდამტეხ ცვლილებებს.

„სამეგრელოს მთავრებს სოფელი რუხის ციხე 2 რამისთვის აუგიათ, თავდაცვისა და ვაჭრობის მიზნით და აქ ვაჭრობისათვის სპეციალურად სომხები და ებრაელებიც მოუწვევიათ, რომლებიც სამეგრელოს მთავარ, ლევან დადიანის გარდაცვალების შემდეგ წასულან. დღესაც არის აქ ადგილი, რომელსაც ნასომხარს უწოდებენ.

ეს პატარა ისტორია გავიხსენე, რადგან დღესაც 2 მთავარი გამოწვევა გვაქვს, როგორ დავიცვათ თავი მტრისგან, ოკუპაციისგან და როგორ განვავითაროთ ვაჭრობა, ანუ ეკონომიკა. უმუშევრობა, სიღარიბე, დარღვეული ტერიტორიული მთლიანობა, უკვე ათწლეულებია ჩვენი ხალხი გვინსაზღვრავს პრობლემების სამეულს და ამ კუთხით ძვრა არ არის. წლები მიდიან, მთავრობები იცვლებიან, მხოლოდ პრობლემები რჩება უცვლელი.

სწორედ ამიტომ, აქ და ახლა, ამ გარდამტეხი ცვლილებების ეპოქაში, ჩვენ უნდა შევთავაზოთ საზოგადოებას ფუნდამენტური ცვლილებების გეგმა, თუ როგორ დავიცავთ ჩვენ ქვეყანასა და ხალხს და როგორ ავამუშავებთ ეკონომიკას, შევქმნით სამუშაო ადგილებს და დავძლევთ სიღარიბეს“, - განაცხადა გიგი უგულავამ.

აღნიშნულ ინფორმაციას „ევროპული საქართველოს“ პრესსამსახური ავრცელებს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება