გიგი უგულავა - სად ვიქნებით ჩვენ, საქართველო, ამ დიადი, გარდამტეხი ცვლილებების ეპოქაში, წყდება აქ და ახლა, ამ არჩევნებზე

სად ვიქნებით ჩვენ, საქართველო, ამ დიადი, გარდამტეხი ცვლილებების ეპოქაში, წყდება აქ და ახლა, ამ არჩევნებზე , - ამის შესახებ „ევროპული საქართველოს" მაჟორიტარობის კანდიდატმა გიგი უგულავამ ზუგდიდის მუნიციპალიტეტში, სოფელი რუხის ციხეში მხარდამჭერებთან შეხვედრაზე განაცხადა.

გიგი უგულავს თქმით, ივანიშვილის პოლიტიკა და მისი ხელისუფლების რუსეთისადმი ურთიერთობები არის ჭაობი, რომლის ერთადერთი ალეტარნატივა ჩაძირვაა.

უგულავამ აღნიშნა, რომ ის თუ სად იდგება საქართველო ამ დიადი გარდამტეხი ცვლილებების ეპოქაში, წყდება ახლა, ოქტომბრის არჩევნებზე.

"ყველა გარდამტეხ ცვლილებას თავისი დროის გეოპოლიტიკური კონტექსტი აქვს. ჩვენი პირველი დამოუკიდებლობა პირველი მსოფლიო ომის შემდეგ იმპერიების მსხვრევის შედეგი იყო, ხოლო დამოუკიდებლობის დაკარგვა მოძალადეებისათვის საერთაშორისო შემაკავებელი ძალის არარსებობის შედეგად მივიღეთ. მარტივად, ამერიკა მაშინ იწყებდა საერთაშორისო პოლიტიკურ სცენაზე გამოსვლას, ხოლო ევროპა ომგამოვლილი და გაპარტახებული იყო.

შესაბამისად, მოძალადე საბჭოთა რუსეთი ვერაფერმა შეაკავა და ასე აღვმოჩნდით 70 წლიან ჯოჯოხეთში. ეს ჯოჯოხეთი დაინგრა და ჩვენ უკვე 30 წლიან დამოუკიდებლობას ვითვლით, ჩვენი გრძელვადიანი დამოუკიდებლობის გარანტი კი მხოლოდ ამერიკა, ევროკავშირი და ნატოა, საფრთხე კი იგივე, პუტინის რუსეთი.

უკრაინისა და ბელორუსის ამბები მიუთითებს, რომ მომდევნო ათწლეული, როდესაც პუტინის საპრეზიდენტო ვადა გადის, გარდამტეხი იქნება რეგიონისათვის. ჩვენ, პოლონელები, ბალტიისპირეთი, უკრაინა, მოლდოვა და ბელორუსი შევქნით თავისუფლების რკალს, საქართველო აღმოსავლეთ ევროპის თავისუფალი ნაწილი იქნება, ეს რკალი იქნება რუსული იმპერიალიზმის შემაკავებელი წინა ხაზი თავისუფალ სამყაროსთან ერთად და აქ, საქართველოს როლი, როგორც გამოცდილებამ აჩვენა, საკვანძოა და ამიტომაა ახლა გარდამტეხი ცვლილებები საჭირო, ივანიშვილის ოცნების საქართველო არის ყველაზე სახიფათო, რადგან როდესაც საუბარია რუსეთზე, ეს ჭაობზე დგომას გავს და ერთადერთი ალტერნატივა მხოლოდ ჩაძირვაა. ამიტომ, სად ვიქნებით ჩვენ, საქართველო, ამ დიადი გარდამტეხი ცვლილებების ეპოქაში, წყდება აქ და ახლა, ამ არჩევნებზე", - განაცხადა გიგი უგულავამ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით