უშიშროების საბჭოს მდივნის ყოფილი მოადგილის ლევან ბოძაშვილის განცხადებით, სომხეთ-აზერბაიჯანის კონფლიქტში საქართველოს აქვს შანსი, მედიაციის ფუნქცია ნაწილობრივ მაინც შეასრულოს.

როგორც ბოძაშვილი აღნიშნავს, ქვეყნის დანაყოფებს გამოცდილება და მზაობა უკვე აქვთ.

"საქართველოს აქვს შანსი მედიაციის ფუნქცია ნაწილობრივ მაინც შეასრულოს, მათ შორის სამშვიდობო ძალებში სრული ან ნაწილობრივი მონაწილეობით. ამის გამოცდილება და მზაობა ჩვენს დანაყოფებს საკმაოდ აქვს.

ინერტული ნეიტრალიტეტი არაფრის მომცემია, ქვეყნის გეოპოლიტიკური ფუნქცია ასე იქმნება, მხოლოდ დერეფნის როლი გეოგრაფიული დამატებითი ღირებულებაა",- აცხადებს ბოძაშვილი.

ცნობისთვის, სომხეთ-აზერბაიჯანის საზღვარზე ვითარება კვლავ გამწვავდა. მხარეები შეიარაღებული თავდასხმებისა და მსხვერპლის შესახებ ავრცელებენ ინფორმაციას. ისინი შექმნილი ვითარების გამო პასუხისმგებლობას ერთმანეთს აკისრებენ.