კახა ოქრიაშვილი - ბოლნისში, 50-კაციანი ბანდა პრაქტიკულად, თავს დაესხა სოფელს და ფიზიკურად გაუსწორდა მოსახლეობას

ბოლნისის მუნიციპალიტეტის სოფელ ნახიდურში მოსახლეობა არის შეკრებილი. ადგილზე იმყოფებიან „ნაციონალური მოძრაობის“ წევრები.

სოფელ ნახიდურში მოსახლეობა დღეს მომხდარი ინციდენტის შემდეგ შეიკრიბა. ერთ-ერთი აქტივისტის განცხადებით, „ნაციონალური მოძრაობის“ წარმომადგენელს არიფ იუსუფოვს თავს დაესხნენ. როგორც ის აცხადებს, თავდასხმა ჩაიხანაში მოხდა.

დმანისის, წალკის, ბოლნისისა და თეთრიწყაროს ოლქებში „ნაციონალური მოძრაობის“ მაჟორიტარობის კანდიდატის კახა ოქრიაშვილის განცხადებით კი, თავდამსხმელები სავარაუდოდ, ცეცხლსასროლი იარაღიდან უმისამართოდ ისროდნენ, თუმცა სროლის შედეგად არავინ დაშავებულა.

„ნაციონალური მოძრაობის წევრის, კახა ოქრიაშვილის განცხადებით, ეს არის შიშის დანერგვის მცდელობა ხელისუფლების მხრიდან.

„ნარკოტიკული საშუალებების თრობის ქვეშ მყოფი 50 - კაციანი ბანდა, პრაქტიკულად თავს დაესხა სოფელს და ფიზიკურად გაუსწორდა სოფლის მოსახლეობას. აგრეთვე, უმისამართოდ ისროდნენ, სავარაუდოდ, ცეცხლსასროლი იარაღიდან, ეს სროლა ჰაერში ხორციელდებოდა, სავარაუდოდ შიშის დანერგვის მიზნით და ცეცხლსასროლი იარაღით დაზიანებული არავინ არ არის. „ქართულ ოცნებას“ არა მარტო ამ რეგიონში არამედ მთელს საქართველოში აქვს არჩევნები წაგებული და ამიტომ აკეთებს ასეთ რაღაცებს“, - განაცხადა ოქრიაშვილმა.

როგორ შსს-ში "ინტერპრესნიუსს" განუცხადეს, გამოძიება 126-ე მუხლის პირველი პრიმა ნაწილის "ბ" ქვეპუნქტით დაიწყო, რაც გულისხმობს ჯგუფურად ჩადენილ ძალადობას.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)