რუსეთის პრეზიდენტ ვლადიმერ პუტინსა და სომხეთის პრემიერ-მინისტრ ნიკოლ ფაშინიანს შორის სატელეფონო საუბარი შედგა, რა დროსაც მხარეებმა მთიან ყარაბაღში გამწვავებული ვითარება განიხილეს. ინფორმაციას კრემლი ავრცელებს.
„რუსეთის მხარის მიერ სერიოზული შეშფოთება გამოითქვა ფართომასშტაბიანი შეიარაღებული შეტაკებების განახლების გამო. აღინიშნა, რომ ამჟამად მნიშვნელოვანია მიღებულ იქნას ყველა საჭირო ძალისხმევა, რათა თავიდან იქნას აცილებული შემდგომი ესკალაცია, ხოლო მთავარია, სამხედრო მოქმედებების შეწყვეტა“, - ნათქვამია კრემლის მიერ გავრცელებულ ინფორმაციაში.
ცნობისთვის, სომხეთ-აზერბაიჯანის საზღვარზე ვითარება კვლავ გამწვავდა. მხარეები შეიარაღებული თავდასხმებისა და მსხვერპლის შესახებ ავრცელებენ ინფორმაციას. ისინი შექმნილი ვითარების გამო პასუხისმგებლობას ერთმანეთს აკისრებენ.