ჯანდაცვის მინისტრის მოადგილის თამარ გაბუნიას განცხადებით, დღეს ბინაზე კორონავირუსით ინფიცირებული 800-მდე პაციენტი მკურნალობს, მათგან 600-მდე აჭარაში, დანარჩენი თბილისსა და იმერეთში. ამის შესახებ გაბუნიამ საკოორდინაციო საბჭოს სხდომის დასრულების შემდეგ განაცხადა.
„ჩვენ გვეგმავთ, რომ ჩაერთონ სხვა ოჯახის ექიმები, დიდ ქალაქებში განსაკუთრებით. ასევე გრძელდება კოვიდსასტუმროებში პაციენტების მკურნალობა, მსუბუქი პაციენტები რჩებიან იქ. რაც შეეხება საწოლფონდს, 3000-მდე საწოლია მობილიზებული. მაინც ყველაზე მეტი დატვირთვა ახლა მოდის ბათუმზე და ახლაც კი მუდმივად 80 საწოლია თავისუფალ მდგომარეობაში შენარჩუნებული, იმისთვის, რომ საჭიროების შემთხვევაში გვქონდეს პაციენტების იქ გადაყვანის შესაძლებლობა“, - განაცხადა თამარ გაბუნიამ.