ზურაბ ჯაფარიძე - ხელისუფლება ძალაუფლების შენარჩუნების რეჟიმშია გადასული და ყველაფერზეა წამსვლელი

„გირჩის“ ლიდერის, ზურაბ ჯაფარიძის განცხადებით, ხელისუფლება ძალაუფლების შენარჩუნების რეჟიმშია გადასული და „ყველაფერზეა წამსვლელი“.

როგორც ჯაფარიძე აცხადებს, მმართველ გუნდს საკუთარი ქმედებები „უკან მოუტრიალდება“.

„როდესაც ხელისუფლება არის გადასული ძალაუფლების შენარჩუნების რეჟიმში, მიდის ყველაფერზე. დღეს ადამიანები, ვინც ხელისუფლებაში არიან, სინამდვილეში ძალაუფლების გარეშე არის ნული, ამიტომ ისინი ყველაფერს გააკეთებენ, რომ ეს ძალაუფლება არ დაკარგონ“,- განაცხადა ჯაფარიძემ.

ცნობისთვის, "ნაციონალური მოძრაობის" ერთ-ერთ ლიდერის, გლდანის მაჟორიტარი დეპუტატობის კანდიდატის, ნიკა მელიას განცხადებით, საარჩევნო შეხვედრაზე ქვები დაუშინეს. ის აღნიშნულს "ქართულ ოცნებას" უკავშირებს.

ამასთან, ძალადობრივ ინციდენტს ჰქონდა ადგილი ბოლნისშიც. სოფელ ნახიდურში დაპირისპირება "ქართული ოცნებისა" და "ნაციონალური მოძრაობის" აქტივისტებს შორის მოხდა. როგორც შსს-ში "ინტერპრესნიუსს" განუცხადეს, მომხდარზე გამოძიება 126-ე მუხლის პირველი პრიმა ნაწილის "ბ" ქვეპუნქტით დაიწყო, რაც გულისხმობს ჯგუფურად ჩადენილ ძალადობას.

პატრიარქის სააღდგომო ეპისტოლე
ქართული პრესის მიმოხილვა 05.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს