თინა ბოკუჩავას განცხადებით, ოპოზიციაში მნიშვნელოვან საკითხებთან დაკავშირებით ხედვების თანხვედრაა

„ნაციონალური მოძრაობის“ ერთ-ერთი ლიდერის თინა ბოკუჩავას განცხადებით, ოპოზიციაში მნიშვნელოვან საკითხებთან დაკავშირებით ხედვების თანხვედრაა.

როგორც ბოკუჩავამ ჟურნალისტებს განუცხადა, მემორანდუმში, რომელსაც დღეს ხუთმა ოპოზიციურმა პარტიამ მოაწერა ხელი, წარმოდგენილია, როგორ უნდა გამოვიდეს ქვეყანა ეკონომიკური კრიზისიდან და ამასთან, საუბარია განათლების სისტემაში საჭირო რეფორმებზე.

„მიუხედავად იმისა, რომ ოპოზიაციაში რიგ საკითხებზე არის აზრთა სხვადასხვაობა, ხედვათ, რომ მნიშვნელოვან საკითხებზე, მომავლის ხედვებზე, იმაზე, თუ როგორ უნდა გამოვიყვანოთ ქვეყანა ეკონომიკური კრიზისიდან, ამაზე არსებობს სრული კონსენსუსი და დღევანდელი ხელმოწერა ამის დასტურია. დოკუმენტში მოცემულია ჩვენი ხედვები იმასთან დაკავშირებით, როგორ გავამყაროთ ეროვნული ვალუტა, რომელიც დღითითღე უფასურდება ბიძინა ივანიშვილის პირობებში, როგორ შევამციროთ ბიუროკრატიული ხარჯები ქვეყანაში, სადაც ბოლო რამდენიმე წლის განმავლობაში კატასტროფულად გაიზარდა ბიუროკრატიული ხარჯები იმიტომ, რომ ივანიშვილის რეჟიმი კვებავს მხოლოდ და მხოლოდ საკუთარ ნომენკლატურას, დანარჩენ მოსახლეობას კი წირავს საშიმშილოდ. ასევე, მოცემულია ჩვენი ხედვები განათლებასთან დაკავშირებით იმიტომ, რომ, რა თქმა უნდა, განათლება არის უმნიშვნელოვანესი სფერო, სადაც სწორი რეფორმები არის წარმატების გარანტი. ამიტომ, კიდევ ერთხელ ვადასტურებ, რომ ოპოზიციაში არის სრული თანხვედრა, ხედვები მნიშვნელოვან საკითხებზე და დარწმუნებული ვარ, ჩვენი ერთობლივი ძალებით, მას შემდეგ, რაც არჩევნებში გავიმარჯვებთ, ქვეყანას წავიყვანთ სწორი მიმართულებით იმისთვის, რომ გვქონდეს ძლიერი ქვეყანა და ძლიერი ოჯახები“,- განაცხადა ბოკუჩავამ.

ოპოზიციურმა პარტიებმა - „გირჩი“, „ევროპული საქართველო“, „ნაციონალური მოძრაობა“, „სტრატეგია აღმაშენებელი“ და „ერთიანი საქართველო“ ოპოზიციას შორის შეთანხმების მესამე ნაწილს მოაწერეს ხელი. როგორც ხელმომწერი პარტიის წარმომადგენლები აცხადებენ, მემორანდუმის მიზანია, რომ ხელისუფლებიდან „ქართული ოცნების” წასვლის შემდეგ ქვეყანა ეკონომიკური კრიზისიდან გამოვიდეს.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)