ჯანდაცვის მინისტრის ეკატერინე ტიკარაძის განცხადებით, COVID19-ზე ტესტირებების შემცირება მიზანს არ წარმოადგენს. როგორც მინისტრმა ჟურნალისტებს განუცხადა, ჯანდაცვის სამინისტრომ უკვე გაასაჯაროვა შესაბამისი პროტოკოლი, სადაც მითითებულია, თუ რამდენი ტესტირება უნდა ჩატარდეს ვირუსზე.
„ნამდვილად არ ვცდილობთ, რომ გამოკვლეულთა რაოდენობა მინიმუმზე დავიყვანოთ. ჩვენ გავსაჯაროვეთ დოკუმენტი, სადაც 120 000 სულ მოსახლეზე თითოეული ზონის მიხედვით მითითებული გვაქვს, თუ რამდენი ტესტირება უნდა ჩატარდეს. ეს პროტოკოლი ჯანდაცვის სამინისტროს მხრიდან შემუშავებულია, რა თქმა უნდა, საერთაშორისო ორგანიზაციებსა და გამოცდილებაზე დაყრდნობით. მიზანი, რომ ტესტირებები შემცირდეს, ნამდვილად არ გაგვაჩნია“, - განაცხადა ტიკარაძემ.