მთიანი ყარაბაღის არაღიარებული რესპუბლიკის ე.წ. შეიარაღებულმა ძალებმა მოიგერიეს აზერბაიჯანის არმიის სატანკო შეტევა დაპირისპირების ხაზის სამხრეთ-აღმოსავლეთის მიმართულებით, განადგურებულია 10 ტანკი. ამის შესახებ სომხეთის თავდაცვის სამინისტროს ოფიციალური წარმომადგენელი შუშან სტეპანიანი იუწყება.

„მოწინააღმდეგემ გამოიყენა სატანკო შეტევა სამხრეთ-აღმოსავლეთის მიმართულებით. მთიანი ყარაბაღის თავდაცვის არმიამ წარმატებით მოიგერია შეტევა და გაანადგურა 10 ერთეული აზერბაიჯანული ტექნიკა. ბრძოლები გრძელდება“ , - წერს სტეპანიანი „ფეისბუკის“ გვერდზე.

მისივე თქმით, ოპერატიულ-ტაქტიკურ ვითარებას არაღიარებული მთიანი ყარაბაღის „არმია“ აკონტროლებს.