მამუკა მდინარაძე - სამწუხაროა, რომ არასამთავრობოები ჩვენი გუნდის ერთ-ერთი ლიდერის მსუბუქ კრიტიკას არქმევენ თავდასხმას და რეალურ თავდასხმებზე გაჩუმებულები არიან

ძალიან სამწუხაროა, რომ ობიექტური არასამთავრობო ორგანიზაციები, ჩვენი გუნდის ერთ-ერთი ლიდერის მსუბუქ კრიტიკას არქმევენ თავდასხმას და რეალურ თავდასხმებზე თითქმის ყოველთვის გაჩუმებულები არიან, - ასე უპასუხა საპარლამენტო უმრავლესობის ლიდერმა მამუკა მდინარაძემ ჟურნალისტების კითხვას, რომელიც არასამთავრობო ორგანიზაციების შეშფოთებას ეხებოდა, ომბუდსმენის მიმართ „ქართული ოცნების“ წევრის, ირაკლი კობახიძის შეფასებასთან დაკავშირებით.

როგორც მდინარაძემ აღნიშნა, როცა „ქართული ოცნების“ გუნდის წევრს დააბრალებენ უამრავ რამეს, ეს თავდასხმა არ ყოფილა და თუ ერთი პოლიტიკოსი გააკრიტიკებს სახალხო დამცველს, ეს ყოფილა კრიტიკა.

„როცა მაჟორიტარი, თუ ის არ არის „ქართული ოცნებიდან“ ამბობს, რომ თქვენი ტელევიაზია უნდა დაიხუროს და არჩევნების შემდეგ დაიხურება, ამ შემთხვევაში ის არ არის თავდასხმა და რეაგირება არ არის, მაგრამ თუ სახალხო დამცველს „ქართული ოცნების“ რომელიმე ლიდერი გააკრიტიკებს და იმის გამო, რომ ეს ადამიანი მეტწილად ანონიმურ წყაროებს მოიშვლიებს ხოლმე, ეს არის თავდასხმა. შემიძლია დაგიდასტუროთ ჩემი და ჩემი გუნდის თითოეული წევრის პატივისცემა როგორც ინსტიტუტის სახალხო დამცველის, ასევე ნინო ლომჯარიას მიმართ“, - განაცხადა მამუკა მდინარაძემ.

ცნობისთვის, რამდენიმე დღის წინ ერთ-ერთი ტელეკომპანიის ეთერში ირაკლი კობახიძემ განაცხადა, რომ ნინო ლომჯარია „ოპოზიციის ომბუდსმენია“. კობახიძემ სახალხო დამცველის განცხადებას „უპასუხისმგებლო“ და „სამარცხვინო“ უწოდა. აღნიშნულს პირადი ცხოვრების ამსახველი ჩანაწერებით შანტაჟის თაობაზე ოპოზიციის აქტივისტების მიერ გავრცელებული ინფორმაციიასთან დაკვშირებით ნინო ლომჯარიას გამოხმაურება უძღოდა.

საქართველოს სახალხო დამცველის, ნინო ლომჯარიას ინფორმაციით, კონკრეტული ოპოზიციური პარტიის წარმომადგენლები აცხადებენ, რომ მათი აქტივისტების მიმართ ადგილი ჰქონდა პირადი ცხოვრების კადრების გამოყენებით შანტაჟს. მისივე თქმით, აღნიშნული პირები არ გამოთქვამენ მზაობას თემაზე საჯაროდ ისაუბრონ. თუმცა, როგორც სახალხო დამცველი ამბობს, ის მზადაა ითანამშრომლოს შინაგან საქმეთა სამინისტროსთან და უზრუნველყოს ფაქტების გამოძიების ეფექტურობა და კონფიდენციალურობა.

დღეს კი არასამთავრობო ორგანიზაციებმა განცხადება გაავრცელეს და შეშფოთება გამოვთქვეს მმართველი პარტიის, „ქართული ოცნების“ აღმასრულებელი მდივნის, ირაკლი კობახიძის მიერ საქართველოს სახალხო დამცველის, ნინო ლომჯარიას მიმართ განხორციელებული მორიგი თავდასხმის გამო.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!