ლანა გალდავა - მოვუწოდებ საქართველოს პრემიერ-მინისტრს, აზერბაიჯან-სომხეთს შორის სამხედრო დაპირისპირების გასაანალიზებლად ეროვნული უსაფრთხოების საბჭოს სხდომა მოიწვიოს

"ლელოს" ისნის მაჟორიტარი დეპუტატობის კანდიდატი ლანა გალდავა სამხრეთ კავკასიაში, სომხეთ-აზერბაიჯანს შორის მიმდინარე სამხედრო დაპირისპირებას განიხილავს და საქართველოს პრემიერ-მინისტრს მოუწოდებს, მოიწვიოს ეროვნული უსაფრთხოების საბჭოს სხდომა. ამის შესახებ „ინტერპრესნიუსს“ „ლელოდან“ აცნობეს.

გალდავას თქმით, საქართველო არის აბსოლუტურად დაუცველი ახალი, უმძიმესი გამოწვევის წინაშე.

,,საქართველოს მეზობელი სახელმწიფოების - სომხეთსა და აზერბაიჯანს შორის არსებული შეიარაღებული დაპირისპირებიდან გამომდინარე, რომელსაც აუცილებლად ექნება გავლენა ჩვენი ქვეყნის როგორც პოლიტიკურ, ისე ეკონომიკურ გარემოზე, ზოგადად კი სამეზობლო პოლიტიკაზე, მოვუწოდებ საქართველოს პრემიერ-მინისტრს, მოიწვიოს ეროვნული უსაფრთხოების საბჭოს სხდომა. კიდევ ერთხელ შევახსენებ მას, რომ 2011 წლის შემდეგ არ განახლებულა საქართველოს ეროვნული უსაფრთხოების კონცეფცია, ქვეყანას არ აქვს საფრთხეების შეფასების ახალი დოკუმენტი, ორი წელია, არ მიღებულა კიბერუსაფრთხოების სტრატეგია და სამოქმედო გეგმა, არ არის დადგენილი კრიტიკული ინფრასტრუქტურის ახალი ნუსხა. შესაბამისად, საქართველო არის აბსოლუტურად დაუცველი ამ ახალი, უმძიმესი გამოწვევის წინაშე, მით უმეტეს, წინასაარჩევნო პერიოდში რუსეთიდან მომავალი ჰიბრიდული საფრთხეების პარალელურად, ყოველდღიური მცოცავი ოკუპაციის პირობებში, რასაც სჭირდება წინასწარი ანალიტიკა და ყველა მიმართულებით სტრატეგიის დაგეგმვა", - აცხადებს ლანა გალდავა.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
ინოვაციური მომსახურება სამშენებლო სფეროში
მერაბ ჭიქაშვილი - "ხელისუფლებამ უნდა გაიგოს, რომ "ნაციონალური მოძრაობის" რეანიმაცია და გადარჩენა არ მოხდება!" (R)
თომა ხაბეიშვილი - "პატრიოტთა ალიანსი" პირველი პარტიაა, რომელიც  გამარჯვებისკენ სწორი ხედვებით მიისწრაფვის!" (R)
არჩილ ბენიძე - "ამომრჩეველზე სხვადასხვა სახის ფსიქოლოგიური ზეწოლა მიმდინარეობს!" (R)
ლიბერთი #გულით და Lingwing-ის ერთობლივი პროექტი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის