რუსეთში სომხეთის ელჩი - რუსეთს კავკასიაში მნიშვნელოვანი როლი აქვს და სისხლისღვრის დასასრულებლად პოლიტიკური მეთოდების გამოყენება შეუძლია
რუსეთში სომხეთის ელჩი ვარდან ტოგანიანი აცხადებს, რომ სომხეთი მზადაა რუსეთს დამატებითი სამხედრო დახმარებასთხოვოს, თუმცა ახლა ამის საჭიროება არ არსებობს.
როგორც ტოგანიანმა რუსულ მედიასთან საუბარში განაცხადა, ერევანი და მოსკოვი თავდაცვის სფეროში თანამშრომლობის გაძლიერებას განაგრძობენ.
„მივიჩნევთ, რომ საჭიროების შემთხვევაში რუსეთს დამატებითი სამხედრო დახმარებისთვის მივმართავთ. დღეის მდგომარეობით, ვფიქრობთ, რომ დამატებითი ჯარი ან სხვა ძალები საჭირო არ არის. თუმცა ვფიქრობთ, რომ რუსეთს კავკასიაში მნიშვნელოვანი როლი აქვს და სისხლისღვრის დასასრულებლად პოლიტიკური მეთოდების გამოყენება შეუძლია“, - განაცხადა რუსეთში სომხეთის ელჩმა.
