გაეროს გენერალურ მდივანს ანტონიუ გუტიერეშსა და აზერბაიჯანის პრეზიდენტს, ილჰამ ალიევს შორის საუბარი შედგა, რა დროსაც გენერალური მდივანი ილჰამ ალიევს ცეცხლის დაუყოვნებლივ შეწყვეტის შესახებ ესაუბრა და განაცხადა, რომ აუცილებელია ეუთოს დამკვირვებლების კონფლიქტის ზონაში გამგზავრება.
მოგვიანებით იგეგმება მისი საუბარი სომხეთის პრემიერ-მინისტრთანაც.
ამავდროულად, აზერბაიჯანის თავდაცვის სამინისტროს პრესსამსახურის ხელმძღვანელი ვაგიფ დარგიახლი აცხადებს, რომ სომხეთის შეიარაღებული ძალები განაგრძობენ გერანბოისკის რაიონში დასახლებული პუნქტების დაცხრილვას.
მისი ინფორმაციით, მოწინააღმდეგის მიერ დაცხრილულია ორი სოფელი. სამოქალაქო ინფრასტრუქტურული ნაგებობები სერიოზულად არ დაზიანებულა, სოფლის მოსახლეობაში მსხვერპლი არ არის.
დარგიახლის ინფორმაციით, აზერბაიჯანის ქვედანაყოფები მოწინააღმდეგის მიმართ იღებენ ადეკვატურ ზომებს.