მთიანი ყარაბაღის ე.წ. არმიამ აზერბაიჯანის სამხედრო საჰაერო ძალების კუთვნილი თვითმფრინავის ჩამოგდების შესახებ განაცხადა.
„ჩვენ უკვე შეგვიძლია მკაფიოდ განვაცხადოთ, რომ მარტუნის რაიონში მოწინააღმდეგის თვითმფრინავი ჩამოვაგდეთ“, - განაცხადა არაღიარებული რესპუბლიკის ე.წ. პრეზიდენტმა ვაგრამ პოღოსიანმა.
სომხეთის თავდაცვის სამინისტროს პრესსპიკერის შუშან სტეპანიანის ინფორმაციით, არსებული ინფორმაციით, ჩამოგდებულია აზერბაიჯანული „ან-2“ ტიპის თვითმფრინავი.
დე ფაქტო რესპუბლიკის ე.წ. თავდაცვის მინისტრის მოადგილის არტურ სარქისიანის ინფორმაციით, ესკალაციის დაწყებიდან ყარაბაღის 50 სამხედრო მოსამსახურე დაიღუპა და 200-ზე მეტი მებრძოლი დაიჭრა კონფლიქტის ხაზზე.
„წინასწარი მონაცემებით, სომხეთის ქვედანაყოფმა ყარაბაღში 48 ადამიანი დაკარგა, 200-ზე მეტი კი დაჭრილია“, - განაცხადა სარქისიანმა ბრიფინგზე.