სომხეთის მთავრობამ, რომელმაც 27 სექტემბერს, ქვეყანაში საომარი მდგომარეობა შემოიღო, მიიღო გადაწყვეტილება, რომლითაც აიკრძალა 18 წელს ზემოთ ყველა მამაკაცის მიერ ქვეყნის დატოვება.

ამის შესახებ სომხეთის მინისტრთა კაბინეტის პრესსამსახური იუწყება.

„მთავრობის გადაწყვეტილების მიხედვით, შეიზღუდა მამაკაცების ქვეყნიდან გასვლა, რომლებიც ირიცხებიან სამობილიზაციო რეზერვში: რიგითების, უმცროსი და უფროსი სერჟანტების 48 წლამდე, უმცროსი ოფიცრების შემადგენლობას 50 წლამდე და უმაღლესი წოდების ოფიცრებს 55 წლამდე“ ,- ნათქვამია მთავრობის ინფორმაციაში.