ნიდერლანდებში ბარები და რესტორნები 22:00 საათზე დაიხურება, მაღაზიებში კი პირბადის გარეშე შესვლა აიკრძალება

ნიდერლანდებში, ინფიცირების შემთხვევების რაოდენობის ზრდის გამო, კორონავირუსთან დაკავშირებით მიღებული ზომები მკაცრდება, - ამის შესახებ ინფორმაციას BBC-ი ავრცელებს.

ქვეყნის პრემიერ-მინისტრის, მარკ რუტეს განცხადებით, ქვეყნის სამ დიდ ქალაქში ამსტერდამში, როტერდამსა და ჰააგაში მდგომარეობა საგანგაშო.

„ყველაფერს ვაკეთებთ, რაც შეგვიძლია, მაგრამ ვირუსს უკეთ გამოსდის“, – განაცხადა ქვეყნის პრემიერმა სიტყვით გამოსვლის დროს.

ახალი რეგულაციების მიხედვით, დღეიდან აღნიშნულ სამ ქალაქს შორის მიმოსვლა შეიზღუდება, გამონაკლისი მხოლოდ აუცილებლობის შემთხვევაში მგზავრობას შეეხება.

ქვეყნის მასშტაბით, რესტორნები და ბარები 22:00 საათზე დაიხურება, სახლებში კი სამზე მეტი პირის სოციალური შეკრება აიკრძალება, სპორტული ღონისძიებები მაყურებლების გარეშე ჩატარდება. ასევე, მოსახლეობას შინიდან მუშაობის რეკომენდაცია ეძლევა.

გარდა ამისა, მოქალაქეები ვალდებულები იქნებიან, მაღაზიებში პირბადეები გამოიყენონ.

შეზღუდვები ძალაში 3 კვირის განმავლობაში იქნება.

ცნობისათვის, ნიდერლანდებში გუშინ კორონავირუსის 2 914 ახალი შემთხვევა დადასტურდა, კვირას კი ქვეყანაში ინფიცირების რეკორდულად მაღალი დღიური მაჩვენებელი, 2 995 შემთხვევა, დაფიქსირდა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა