დონალდ ტრამპი და ჯო ბაიდენი პირველ სატელევიზიო დებატებს 30 სექტემბერს გამართავენ

აშშ-ის მოქმედი პრეზიდენტი დონალდ ტრამპი და „დემოკრატების“ საპრეზიდენტო კანოდატი ჯო ბაიდენი პირველ სატელევიზიო დებატებს 30 სექტემბერს გამართავენ. დებატები, რომლის ხანგრძლივობაც 90 წუთი იქნება, აშშ-ის ქალაქ კლაივლენდში გაიმართება.

როგორც ცნობილია, დებატების მთავარი თემები კორონავირუსის პანდემიის წინააღმდეგ ბრძოლა, ანტირასისტული საპროტესტო აქციები და ქვეყნის ეკონომიკური განვითარება იქნება.

საპრეზიდენტო კანდიდატების დებატები ტელეკომპანია Fox News-ის პირდაპირი ეთერით გადაიცემა და მას წამყვანი კრის უოლესი გაუძღვება.

დონალდ ტრამპსა და ჯო ბაიდენს შორის მეორე ტელედებატები 15 ოქტომბერს მაიამიში, ხოლო მესამე შეხვედრა 22 ოქტომბერს ნეშვილში გაიმართება.

აშშ-ში საპრეზიდენტო არჩევნები 3 ნოემბერს გაიმართება.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია