ბრაზილიაში ბოლო დღე-ღამის განმავლობაში კორონავირუსის 13 155 ახალი შემთხვევა გამოვლინდა, გარდაიცვალა 317 ინფიცირებული. შესაბამის მონაცემებს „როიტერი“ ქვეყნის ჯანდაცვის სამინისტროზე დაყრდნობით ავრცელებს.

ბრაზილიაში სულ კორონავირუსის 4 700 000-ზე მეტი შემთხვევა ფიქსირდება. პანდემიის მსხვერპლთა რაოდენობა კი 142 058-ს შეადგენს. გარდაცვლილთა რაოდენობით ბრაზილია აშშ-ის შემდეგ მსოფლიოში მეორე ადგილზეა. ინფიცირების შემთხვევების რაოდენობით ქვეყანა აშშ-ისა და ინდოეთის შემდეგ მესამე ადგილზეა.