სალომე სამადაშვილი სომხეთ-აზერბაიჯანს შორის კონფლიქტზე - ვერ ვხედავ, რა არის ახალი მიხეილ სააკაშვილის განცხადებაში? ეს ყოველთვის იყო საქართველოს პოზიცია

ვერ ვხედავ, რა არის ახალი მიხეილ სააკაშვილის განცხადებაში? ეს იყო ყოველთვის საქართველოს პოზიცია, - ასე ეხმიანება ფრაქცია "ნაციონალური მოძრაობის" წევრი სალომე სამადაშვილი ყარაბაღის საკითხზე მიხეილ სააკაშვილის განცხადებას.

როგორც მან აღნიშნა, ტერიტორიული მთლიანობის პრინციპი ხელშეუხებელია.

"ჩვენი პოზიცია მთიანი ყარაბაღის თემაზე ყოველთვის იყო და იქნება იგივე, რაც არის ჩვენს ოკუპირებულ ტერიტორიებთან მიმართებაში, რომ ტერიტორიული მთლიანობის პრინციპი არის ხელშეუხებელი," - განაცხადა სალომე სამადაშვილმა.

სალომე სამადაშვილი იმედს გამოთქვამს, რომ საერთაშორისო აქტორების მონაწილეობით კონფლიქტი მალე შეწყდება.

„მინდა, რომ ორივე მეზობელს მშვიდობა ვუსურვო. ძალიან დიდი იმედი მაქვს, რომ საერთაშორისო ჩარევით ეს კონფლიქტი უახლოეს დღეებში შეწყდება და ვხედავთ, რომ ძალიან გააქტიურებულია საერთაშორისო დიპლომატია შესაბამისი მიმართულებით. ჩვენს ინტერესებშია რეგიონში სიმშვიდე და სტაბილურობა. შესაბამისად, დიდი იმედი გვაქვს, რომ ძალიან მძიმე ვითარების დასრულებას მშვიდობიანად შეძლებენ უახლოეს დღეებში. ჩვენი მხრიდან შეგვიძლია მოვუწოდოთ ორივე მხარეს, რომ მოლაპარაკების მაგიდას დაუბრუნდნენ," - განაცხადა სამადაშვილმა.

ცნობისათვის, მიხეილ სააკაშვილის განცხადებით, მთიანი ყარაბაღი წარმოადგენს აზერბაიჯანის რესპუბლიკის სუვერენულ ტერიტორიას და ამას არაფერი შეცვლის.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს