პოლონეთში ლიცეუმის მოსწავლე არასრულწლოვანი გოგო ლიცეუმის სამ მოსწავლეს დანით თავს დაესხა და მათ ჭრილობები მიაყენა. ამის შესახებ პოლონეთის ტელევიზია იუწყება.
შემთხვევა ქალაქ ზელენა-გურაში მოხდა. ადგილობრივი პოლიციის წარმომადგენლის ინფორმაციით, შემთხვევა, ადგილობრივი დროით, 9:00 საათზე მოხდა. 17 წლის მოსწავლემ დანით ჭრილობები მიაყენა იმავე სასწავლებლის სამ სხვა მოსწავლეს. ორ მათგანს ჭრილობა ზურგზე აქვთ მიყენებული, ერთს კი წარბზე.
პოლიციის ინფორმაციით, მათ სიცოცხლეს საფრთხე არ ემუქრება. დამნაშავე დაკავებულია.
მომხდარი დეტალები და დანაშაულის მოტივი უცნობია.