რომან გოცირიძე - მეცხრე მოწვევის პარლამენტი იყო ერთ-ერთი ყველაზე მორჩილი პარლამენტი, საწყალი ადამიანების კრებული

შეიძლება ვთქვათ, რომ ვიყავით მომსწრე ერთ-ერთი ყველაზე მოსაწყენი და წარუმატებელი საკანონმდებლო ორგანოსი საქართველოს ისტორიაში, - ამის შესახებ ფრაქცია „ნაციონალური მოძრაობის“ თავმჯდომარემ, რომან გოცირიძემ მეცხრე მოწვევის პარლამენტის საქმიანობის შეფასებისას განაცხადა.

მისივე თქმით, მეცხრე მოწვევის პარლამენტმა მიიღო მნიშვნელოვანი გადაწყვეტილებებიც, თუმცა გოცირიძის განმარტებით, ეს ძირითადად საერთაშორისო და ადგილობრივი ზეწოლით იყო განპირობებული.

„მეცხრე მოწვევის პარლამენტი იყო ერთ- ერთი ყველაზე მორჩილი პარლამენტი, საწყალი ადამიანების კრებული, რომლებიც აჭერდნენ ხელს ღილაკს და ფაქტობრივად, აფორმებდნენ ბიძინა ივანიშვილსა და პარტიის დადგენილებებს. ეს პარლამენტი გამოირჩეოდა იმით, რომ არ გადიოდა ერთი თვეც კი, რომ არ მიეღოთ რამე ისეთი გადაწყვეტილება, რომლითაც იქმნებოდა ახალი სახელმწიფო ბიუროკრატიული დაწესებულება. იღებდნენ ისეთ კანონებს, რომელიც მორგებული იყო „ქართულ ოცნებაზე“, მაგრამ როგორც საერთაშორისო, ისე შიდა ზეწოლით ამ პარლამენტმა მიიღო რამდენიმე მნიშვნელოვანი გადაწყვეტილება, თუნდაც პროპორციულ საარჩევნო სისტემაზე გადასვლასთან დაკავშირებით, რაც, რა თქმა უნდა, შეიძლება შეფასდეს დადებითად, მაგრამ ამას უხდება ძალიან „ყვავს, რომ კაკალი გააგდებინო“ და ხანდახან ამ ყვავს ვაჩხავლებდით და პირიდან გამოუვარდრბოდა ხოლმე კარგი კაკალები. თუმცა, მთლიანობაში ეს პარლამენტი იყო ყველაზე არაპოლიტიკური პარლამენტი საქართველოს ისტორიაში“, - განაცხადა რომან გოცირიძემ.

ოპოზიციის საქმიანობის შეფასებისას გოცირიძემ აღნიშნა რომ პარლამენტში „ნაციონალური მოძრაობის“ 6 წევრი იყო წარმოდგენილი, თუმცა 60 ადამიანის საქმეს აკეთებდა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა