გიგი წერეთელი - ამ არჩევნებმა უნდა  მოიტანოს სერიოზული ცვლილებები

ეს არჩევნები უნდა იყოს არჩევნები, რომელიც ქვეყანაში მოიტანს სერიოზულ ცვლილებას და ეს ცვლილება არ მოვა, თუკი არჩევნები ცუდად ჩატარდება და ცუდი შეფასებები ექნება, - ამის შესახებ

“ევროპული საქართველოს“ ერთ-ერთი ლიდერმა, ტყიბულის, თერჯოლის, ზესტაფონისა და ბაღდათის მაჟორიტარობის კანდიდატმა გიგი წერეთელმა წინასაარჩევნო გარემოს შეფასებისას განაცხადა.

როგორც წერეთელმა აღნიშნა, მიმდინარე წლის საპარლამენტო არჩევნებზე ბევრი საერთაშორისო დამკვირვებელი იქნება და “ხელისუფლებამ უნდა გაითვალისწინოს, რომ ქვეყანა ჩრდილი არ მიაყენოს”.

“ჩვენ უნდა გვესმოდეს ამ არჩევნების მნიშვნელობა. პირველ რიგში, ეს უნდა ესმოდეს ხელისუფლებას. რაც არ უნდა ოპოზიციას მისცენ შენიშვნა, მთავარი რესურსი არის მთავრობის ხელში. ის ინციდენტები, რაც ვნახეთ ბოლო პერიოდის განმავლობაში, ქვების სროლა, ჩხუბი, სადღაც დაჭრის ფაქტიც იყო და ზოგადად, ის

ძალიან უსიამოვნო გარემო, რომელიც უკვე დაიწყო არჩევნების ამ ფაზაში, ძალიან დიდი საფრთხის შემცველია. ამით ქვეყანა დაზიანდება ძალიან სერიოზულად. ადმინისტრაციული რესურსის მობილიზება უკვე დაწყებულია იმ

მაჟორიტარულ ოლქშიც, სადაც მე ვარ. სკოლის და ბაღის პედაგოგებს იბარებენ, ართმევენ პირადობის მოწმობებს. გვაქვს ინფორმაცია, რომ ერთ-ერთი სკოლის დირექტორი მოსახლეობას ეუბნება, რომ ის არ უნდა წავიდეს არჩევნებზე, ან თუ წავა აუცილებლად “ოცნებას” დაუჭიროს მხარი.

ასეთი რამ არ შეიძლება. აქვე მინდა ვთქვა, რომ ბევრი საერთაშორისო დამკვირვებელი იქნება ამ არჩევნებზე და ხელისუფლებამ უნდა გაითვალისწინოს, რომ ქვეყანას ჩრდილი არ მიაყენოს”, - განაცხადა გიგი წერეთელმა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს