როცა 21-ე საუკუნეში ჯერ კიდევ იყენებ შანტაჟის, მუქარის და ათასი სიბინძურის მეთოდს, ეს ორმაგ უკუეფექტს გამოიღებს,- ამის შესახებ დამოუკიდებელმა დეპუტატმა ეკა ბესელიამ ჟურნალისტებთან „სამართლიანი არჩევნების" ანგარიშის შეფასებისას განაცხადა.
მისი თქმით, „ქართული ოცნება" უნდა ხვდებოდეს, რომ „თუ მას რაღაც აპატიეს წინა არჩევნებზე, ახლა უკვე თვალს აღარავინ დახუჭავს."
„თუ „ქართული ოცნება" ძალადობრივი გარემოს შეცვლას ვერ შეძლებს, თუ ფონს არ დაამშვიდებს იმით, რომ ცალკეულ შემთხვევებს არ გამოიძიებს და არ დასჯის ვინც დასასჯელია, მას მოუწევს თავად ყველაფერზე პასუხისგება.
დაუსჯელობა მძიმე დანაშაულის არის პროვოცირება შემდეგ სხვა ქმედებების. ის, რომ არ არის დღემდე გამოძიებული და დასჯილი შემკვეთები, ვინც თავის დროზე გაავრცელა უკანონო ჩანაწერები და ხელი დააფარეს ამ ადამიანებს, ამის გამო შეიძლება კიდევ ჰქონდეს ადგილი გარკვეულ მცდელობებს. საბოლოო ჯამში არჩევნები ფასდება ცალკეული ფაქტებით, რამდენად თავისუფლები არიან ადამიანები გადაწყვეტილების მიღების პროცესში“, - განაცხადა ბესელიამ.