შესანიშნავი იყო საქართველოს პრემიერ-მინისტრ გიორგი გახარიასთან და საგარეო საქმეთა მინისტრ დავით ზალკალიანთან შეხვედრა, - ასე ეხმაურება ნატოს გენერალური მდივანი იენს სტოლტენბერგი სოციალურ ქსელ „ტვიტერში“ საქართველოს პრემიერ-მინისტრ გიორგი გახარიასთან ბრიუსელში, ნატოს სათავო ოფისში დღეს გამართულ შეხვედრას.

მისი თქმით, საქართველო ჩრდილოატლანტიკური ალიანსის ერთ-ერთი ყველაზე მნიშვნელოვანი პარტნიორია.

„საქართველო ჩრდილოატლანტიკური ალიანსის ერთ-ერთი ყველაზე მნიშვნელოვანი პარტნიორია და საკვანძო წვლილი შეაქვს ჩვენს საერთო უსაფრთხოებაში”, - წერს იენს სტოლტენბერგი „ტვიტერში“.