გია ვოლსკი - სააკაშვილის მიზანია, საქართველოსთან ასწლეულების მანძილზე მშვიდობიანად მცხოვრებმა სომხურმა და აზერბაიჯანულმა ეთნიკურმა ჯგუფებმა დაპირისპირების გარკვეული ხარისხი გამოავლინონ

მიხეილ სააკაშვილის განცხადება არის პროვოკაციული, - ამის შესახებ პარლამენტის პირველმა ვიცე - სპიკერმა გია ვოლსკიმ ყოფილი პრეზიდენტის, მიხეილ სააკაშვილის განცხადების შეფასებისას აღნიშნა, რომლის თქმითაც, „მთიანი ყარაბაღი წარმოადგენს აზერბაიჯანის სუვერენულ ტერიტორიას და ამას არაფერი შეცვლის“.

„დესტრუქციისა და მავნებლობის გამოხატულებაა ერთი მხარის მხარდაჭერა და პოზიციის გამოხატვა მაშინ, როცა საქართველოს სამეზობლოში მხოლოდ მშვიდობა აწყობს. სააკაშვილის მიზანია, რომ საქართველოსთან ასწლეულების მანძილზე მშვიდობიანად მცხოვრებმა სომხურმა და აზერბაიჯანულმა ეთნიკურმა ჯგუფებმა დაპირისპირების გარკვეული ხარისხი გამოავლინონ და თუ სააკაშვილის ოცნება ახდება, ეს ყველაფერი დაპირისპირებაში გადავიდეს. ეს განცხადება ამას ნიშნავს და სხვას - არაფერს,“- განაცხადა ვოლსკიმ.

მისივე თქმით, საქართველო მაქსიმალურად თავშეკავებული და ნეიტრალური უნდა იყოს.

„საერთაშორისო თანამეგობრობას უნდა შევთავაზოთ, რომ ამ პროცესების მოგვარებაში გადაუდებლად ჩაერთოს. წინააღმდეგ შემთხვევაში, ამან შეიძლება სამეზობლოში საგანგებო მდგომარეობა შექმნას. კერძოდ, საქართველოში, სადაც ცხოვრობენ აზერბაიჯანელებიც და სომხებიც. საქართველოს ისტორიას არ ახსოვს, რომ ეთნიკური ან რელიგიური ნიშნით იყოს საქართველოს ტერიტორიაზე დაპირისპირება. სამწუხაროდ, ამისკენ იღწვიან ოპონენტები და სააკაშვილის განცხადება სწორედ ამას მოწმობს,“- განაცხადა ვოლსკიმ.

პატრიარქის სააღდგომო ეპისტოლე
ქართული პრესის მიმოხილვა 05.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს