აშშ-ის სახელმწიფო მდივანი მაიკ პომპეო სომხეთსა და აზერბაიჯანს მთიან ყარაბაღში საომარი მოქმედებების შეწყვეტისკენ მოუწოდებს.

„ორივე მხარემ უნდა შეწყვიტოს ძალადობა, იმუშავოს მინსკის ჯგუფის თანათავმჯდომარეებთან ერთად და არსებით მოლაპარაკებებს რაც შეიძლება სწრაფად დაუბრუნდეს,“- განაცხადა მაიკ პომპეომ.

შეგახსენებთ, მთიან ყარაბაღში სიტუაცია 27 სექტემბერს დაიძაბა, რის შემდეგაც სომხეთისა და აზერბაიჯანის შეიარაღებულ ძალებს შორის შეტაკებები არ წყდება. დაღუპულია ათობით და დაშავებულია ასობით ადამიანი, მათ შორის მშვიდობიანი მოქალაქეები. მხარეები მძიმე არტილერიის გამოყენებასა და სიტუაციის ესკალაციაში ერთმანეთს ადანაშაულებენ.