ირაკლი სესიაშვილი - სტოლტენბერგის განცხადებები ასევე კარგად უნდა გაიგონ ჩვენმა ოპონენტებმა, რამდგან როცა ვსაუბრობთ მშვიდობიან გარემოზე, სწორედ მათ მოეთხოვებათ მეტი პასუხისმგებლობა

სტოლტენბერგის განცხადებები ასევე კარგად უნდა გაიგონ ჩვენმა ოპონენტებმა, რამდენადაც როცა ვსაუბრობთ მშვიდობიან გარემოზე, სწორედ ჩვენს ოპონენტებს მოეთხოვებათ მეტი პასუხისმგებლობა,- ასე პასუხობს თავდაცვისა და უშიშროების კომიტეტის თავმჯდომარე ირაკლი სესიაშვილი ოპოზიციის შეფასებებს ნატო ს გენერალური მდივნის ენს სტოლტენბერგის განცხადებებზე.

როგორც სესიაშვილი აღნიშნავს, პრემიერ- მინისტრს ბრიუსელში ძალიან წარმატებული ვიზიტი აქვს და ის განსაკუთრებით მიესალმება ნატოს შტაბ ბინაში გამართულ ბრიფინგზე გაჟღერებულ მესიჯებს.

"მართლაც აღიარებულია ჩვენი ქვეყნის წარმატებები მთელი რიგი მიმართულებით, თავდაცვის უსაფრთხოების სექტორში, ასევენ ძალიან ინტენსიურია ჩვენს შორის თანამშრომლობა მთელ რიგ საკითხებში, შესაბამისად, ძალიან პოზიტიური იყო ის მოლოდინები რაც უკავშირდება საქართველოს ნატოში რეალურ ინტეგრაციას და კიდევ ერთხელ დიდი მადლობა ჩვენს პარტნიორებს, სტოლტენბერგს სერიოზული მხარდამჭერი განცხადებებისთვის.

რა თქმა უნდა, არჩევნები ძალიან მნიშვნელოვანია და კითხვის ნიშნის ქვეშ ვერანაირად ვერ დადგება ის, რომ ჩვენს ქვეყანაში არჩევნები სამართლიან, მშვიდ გარემოში ჩაივლის. ბატონი სტოლტენბერგის განცხადებები ასევე კარგად უნდა გაიგონ ჩვენმა ოპონენტებმა, რამდენადაც როცა ვსაუბრობთ მშვიდობიან გარემოზე, სწორედ ჩვენს ოპონენტებს მოეთხოვებათ მეტი პასუხისმგებლობა, რადგან სწორედ მათი მხრიდან მომდინარეობს უმეტეს შემთხვევაში პროვოკაცია და მათ აქვთ სურვილი, რომ არჩევნებმა არ ჩაიაროს სათანადოდ მშვიდობიან გარემოში, რომ ჰქონდეთ თავიანთი პოლიტიკური პრეტენზიები რათა გაამართლონ თავიანთი პოლიტიკური მარცხი,"- განაცხადა სესიაშვილმა.

ცნობისათვის, იენს სტოლტემბერგმა იმედი გამოთქვა, რომ საქართველოში არჩევნები უმაღლეს საერთაშორისო სტანდარტებით ჩატარდება. "ეს მნიშვნელოვანია როგორც საქართველოსთვის, ასევე ნატოსთვის,"- აღნიშნა სტოლტენბერგმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს