ევროკომისიის ვიცე-პრეზიდენტი მარგარიტის სხინასი საქართველოს პრემიერ-მინისტრ გიორგი გახარიასთან შეხვედრას სოციალურ ქსელ „ტვიტერში“ ეხმაურება.

ევროკომისრის შეფასებით, საქართველოს მთავრობის მეთაურთან ევროკომისიაში შესანიშნავი შეხვედრა გაიმართა.

„ევროკავშირისთვის საქართველოსთან მჭიდრო თანამშრომლობა ფასეულია, რაც კიდევ უფრო მეტად მჭიდრო უნდა გახდეს და ასეც იქნება”, - აღნიშნავს ევროკომისიის ვიცე-პრეზიდენტი.

ინფორმაციას საქართველოს მთავრობის პრესსამსახური ავრცელებს.