ირანში, ბოლო 24 საათში, კორონავირუსის 3 677 ახალი შემთხვევა გამოვლინდა და ინფიცირებულთა საერთო რაოდენობა 453 637-მდე გაიზარდა, - შესაბამის ინფორმაციას ირანული მედია ავრცელებს.
მათივე ინფორმაციით, კოვიდ 19-ს ქვეყანაში კიდევ 207 ადამიანის სიცოცხლე ემსხვერპლა და დაღუპულთა რიცხვმა 25 986-ს მიაღწია.
აღსანიშნავია, რომ დაინფიცირებული პაციენტებიდან 4 079 კრიტიკულ მდგომარეობაშია. რაც შეეხება გამოჯანმრთელებულებს, პანდემიის დაწყებიდან ქვეყანაში კოვიდ 19-სგან 378 727 ადამიანი განიკურნა.