მამუკა მდინარაძე - „ევროპული საქართველოს“ შანსები იმდენად და ისტორიულად დაბალია, რომ გადავიდნენ გეგმა „B“-ზე, რასაც ჰქვია პროვოკაციები ტყუილთან ერთად

საპარლამენტო უმრავლესობის ლიდერის მამუკა მდინარაძის განცხადებით, „ევროპული საქართველოს“ შანსები იმდენად და ისტორიულად დაბალია, რომ ისინი გადავიდნენ ე.წ. გეგმა „ბე“ -ზე, რასაც ჰქვია პროვოკაციები ტყუილთან ერთად.

როგორც ჟურნალისტებთან საუბრისას მამუკა მდინარაძემ „ევროპული საქართველოს“ პარტიული სიის წარდგენასთან დაკავშირებით განაცხადა, მათი შანსები ყველა რეალურ და ობიექტურ რეიტინგში აისახება.

„აქამდე მხოლოდ ტყუილს იყენებდნენ მათი პარტიული ინტერესების დასაკმაყოფილებლად და ამაზე ჰქონდათ კამპანია, ახლა უკვე ინტენსიური გახდა პროვოკაციები მათი მხრიდან. ჩვენ ვხედავთ, რომ საარჩევნო კამპანიაში არის აბსოლუტურად ალოგიკური ქმედებები „ნაცმოძრაობისა“ და მათი ე.წ. კლასტერის მხრიდან.

„ქართული ოცნება“ თან ჩართულია საარჩევნო კამპანიაში, თან ჩვენ ვებრძვით პანდემას და მისგან გამოწვეულ საკმაოდ მძიმე შედეგებს. ისინი ებრძვიან საქართველოს, ქვეყნის სტაბილურობასა და დემოკრატიას. ეს არის მათი ნარატივი. ამ ნარატივით მგონი წარმატება არ მოდის“, - განაცხადა მდინარაძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა