ანტიმიკრობულ რეზისტენტობასთან ბრძოლის საერთაშორისო ცენტრსა  და  გარემოს  დაცვისა  და  სოფლის  მეურნეობის სამინისტროს შორის მემორანდუმი  გაფორმდა

ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტროს, ანტიმიკრობულ რეზისტენტობასთან ბრძოლის საერთაშორისო ცენტრსა და გარემოს დაცვისა და სოფლის მეურნეობის სამინისტროს შორის ურთიერთშეთანხმების მემორანდუმი გაფორმდა.

როგორც „ინტერპრესნიუსს“ უწყებიდან აცნობეს, მემორანდუმის მიზანი სამედიცინო, სასოფლო-სამეურნეო და ვეტერინარულ დაწესებულებებში ანტიმიკრობული საშუალებების რაციონალური გამოყენების დანერგვაა.

„მემორანდუმი ანტიმიკრობული რეზისტენტობის წინააღმდეგ აქტივობების განხორციელებას ითვალისწინებს. ანტიმიკრობული პრეპარატების გამოყენების პროცესი პანდემიის პირობებში კიდევ უფრო მეტად აქტიურდება. დღეს ჩვენ გვეძლევა საშუალება, რომ შევუერთდეთ საერთაშორისო მოძრაობას და ეს თანამშრომლობა კიდევ უფრო განვავითაროთ, რათა ანტიმიკრობული რეზისტენტობასთან დაკავშირებული რისკები მინიმუმადე შემცირდეს,“-განაცხადა თამარ გაბუნიამ.

ანტიმიკრობულ რეზისტენტობასთან ბრძოლის საერთაშორისო ცენტრი ხელს შეუწყობს საქართველოში ანტიმიკრობული რეზისტენტობის საწინააღმდეგო ეროვნული სტრატეგიის ამოცანების განხორციელებასა და შეამცირებს სამედიცინო, სასოფლო-სამეურნეო და ვეტერინარულ დაწესებულებებში ანტიმიკრობული საშუალებების არამიზნობრივ და არარაციონალურ გამოყენებას.

მემორანდუმს ხელი მოაწერეს ,ჯანდაცვის მინისტრის მოადგილემ თამარ გაბუნიამ, გარემოს დაცვისა და სოფლის მეურნეობის მინისტრის მოადგილემ ხატია წილოსანმა და ანტიმიკრობულ რეზისტენტობასთან ბრძოლის საერთაშორისო ცენტრის დირექტორმა რობერტ სკოვმა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 14.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა