სომხეთის თავდაცვის სამინისტროში აცხადებენ, რომ თურქეთის ავიაგამანადგურებელმა სომხეთის კუთვნილი თვითმფრინავი ჩამოაგდო, თურქეთი ბრალდებას უარყოფს

სომხეთის თავდაცვის სამინისტრო იუწყება, რომ დღეს თურქეთის ავიაგამანადგურებელმა "F-16"-მა სომხეთის სამხედრო საჰაერო ძალების "სუ-25" გაანადგურა.

სამხედრო უწყება ირწმუნება, რომ თურქეთის თვითმფრინავი აზერბაიჯანის ტერიტორიიდან ახორციელებდა დარტყმებს სომხეთის ქალაქ ვარდენისზე.

„დღეს 10:30 საათის ფარგლებში თურქეთის ავიაგამანადგურებელი განჯის აეროდრომიდან აფრინდა და ახორციელებდა დარტყმებს ქალაქ ვარდენის ტერიტორიაზე, ასევე ორ სოფელზე - მეტს მასტიკსა და სოტკზე. თურქეთის ავიაგამანადგურებელმა "F-16"-მა ჩამოაგდო სომხეთის სამხედრო საჰაერო ძალების კუთვნილი „სუ-25“, რომელიც საბრძოლო დავალებას ასრულებდა. მფრინავი გარდაიცვალა“, - განაცხადეს უწყებაში.

თურქეთის პრეზიდენტის პრესმდივანი იბრაჰიმ ქალინი უარყოფს ინფორმაციას თურქეთის ავიაგამანადგურებლის მიერ სომხეთის კუთვნილი თვითმფრინავის განადგურების თაობაზე.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა