ნაძალადევის რაიონში, მოლოკოვის ქუჩაზე გრუნტის დამჭერი კედლები შენდება

თბილისში, ნაძალადევის რაიონში, მოლოკოვის ქუჩაზე ორი საყრდენი კედლის მოწყობა მიმდინარეობს. პროექტის ფარგლებში, 18 და 15-მეტრიანი გრუნტის დამჭერი კედლები შენდება. ბეტონის სამუშაოების დასრულების შემდეგ, მავთულბადის ღობეები დამონტაჟდება და გზის საფარი მოწესრიგდება. ამის შესახებ „ინტერპრესნიუსს“ თბილისის მერიის პრესსამსახურიდან აცნობეს.

მათივე ინფორმაციით, აღნიშნულ ინფრასტრუქტურულ სამუშაოებს ნაძალადევის რაიონის გამგებელი ირაკლი ხელაძე თბილისის საკრებულოს მაჟორიტარ დეპუტატ მიხეილ ამაშუკელთან ერთად გაეცნო.

„მოლოკოვის ქუჩა N10-ში არსებული კედელი ძალიან ცუდ მდგომარეობაში იყო, ასევე, N19-თან იშლებოდა გრუნტი. მიმდინარეობს ორი კედლის მშენებლობა, რის შემდეგაც, N10-ში ასფალტის საფარი დაიგება, N19-ში კი გზაზე ბეტონის საფარი მოეწყობა. პროექტის დასრულების შემდეგ, მიწის ჩამოშლის საშიშროება აღარ იქნება“, - განაცხადა ირაკლი ხელაძემ.

როგორც ინფორმაციაშია ნათქვამი, აღნიშნულ მისამართებზე გრუნტის დამჭერი კედლების მშენებლობისთვის ნაძალადევის რაიონის გამგეობა 94 854 ლარს დახარჯავს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა